Identify the passage given
"And Grace gave hym the Crosse, with the [garland] of thornes,
That Cryst upon Calvarye for mankynde on pyned.
And of his baptesme and blode that he bledde on Rode
He made a maner morter, and mercy it highte.
And therewith Grace bigan to make a good foundement,
And watteled it and walled it with his peynes and his passioun;
And of al Holy Writ he made a rofe after;
And called that hous Unite, Holi Cherche on Englisshe.
And whan this dede was done, Grace devised
A carte hyghte Cristendome to carye [home] Pieres sheves,
And gaf hym caples to his carte, Contricioun and Confessioun;
And made presthode hay-warde the while hym-self went
As wyde as the worlde is with Pieres to tulye Treuthe
[And the Lond of Bileve, the lawe of Holy Cherche]."
