Identify the passage given
""Bi Crist!" quod the knyghte [tho], "[thow kennest] us the best.
Ac on the teme, trewly, taughte was I nevere.
Ac kenne me," quod the knyghte, "and [I wole konne erie]."
"Bi Seynt Poule," quod Perkyn, "[for] ye profre yow so [lowe]
I shal swynke and swete and sowe for us bothe,
And [eke laboure] for thi love al my lyftyme,
In covenaunt that thow kepe Holi Kirke and myselve
Fro wastoures and fro wykked men that [wolde me destruye].
And go hunte hardiliche to hares and to foxes,
To bores and to [buckes] that breketh adown myne hegges,
And go affaite the faucones wilde foules to kille,
For suche cometh to my croft and croppeth my whete."
Curteislich the knyghte thanne comsed thise wordes:
"By my power, Pieres, I plighte the my treuthe
To fulfille this forward thowgh I fighte sholde.
Als longe as I lyve I shal the mayntene.""
