Identify the passage given
"And whan I seighe it was so, slepyng I went
To warne Pilates wyf what dones man was Jhesus,
For Juwes hateden hym and han done hym to deth.
I wolde have lengthed his lyf, for I leved yif he deyede
That his soule wolde suffre no synne in his syghte.
For the body, whil it on bones yede, aboute was evere
To save men fram synne yif himself wolde.
And now I se where a soule cometh [seyllnge hiderward]
With glorie and with grete lighte; God it is, I wote wel.
I rede we flee,' quod [the Fende], 'faste alle hennes.
For us were better noughte be than biden his syghte.
For this lesynges, Lucifer, loste is al owre praye.
Firste thorw the we fellen fro Hevene so heigh:
For we leved this lesynges [we lopen out alle.
And now for this laste lesynge] y-lore we have Adam,
And al owre lordeship, I leve, a londe and [in helle]."'
