Identify the passage given
"Now faire falle yow," quod I tho, "for yowre faire shewynge!
For Haukynnes love the Actyf Man evere I shal yow lovye.
Ac yet I am in a were what Charite is to mene."
"It is a ful trye tree," quod he, "trewly to telle.
Mercy is the more therof; the myddel stokke is Reuthe;
The leves ben lele wordes, the lawe of Holy Cherche;
The blosmes beth boxome speche and benygne lokynge.
Pacience hatte the pure tre, and Pore-Symple-Of-Herte,
And so thorw God and good men groweth the frute Charite."
"I wolde travaille," quod I, "this tree to se twenty hundreth myle,
And forto have my fylle of that frute forsake al other saulee.
Lorde!" quod I, "if any wighte wyte whideroute it groweth?"
"It groweth in [a] gardyne," quod he, "that God made hymselven--
Amyddes mannes body the more is of that stokke.
Herte hatte the erber that it in groweth,
And Liberum Arbitrium hath the londe to ferme
Under Piers the Plowman, to pyken it and to weden it."
